Plantun de Prouvènço

Pèr coumpara dos planto d'encò nostre

Carex vesicaria & Stellaria nemorum

Queirello(-vessiculado)

Carex vesicaria

Cyperaceae

Àutri noum : Moutouso, Sagneto.

Nom en français : Laîche à utricules renflés.

Descripcioun :
Aquesto queirello, raro au nostre, que trachis en ribo de mueio e de palun, a de fueio bèn verdo, plegado e un pau larjo (4 à 8 mm). La tijo, lisco, es en triangle, e porto 2 à 3 espigo masclo bruno e 2 à 3 espigo femello dreissado emé d'escaumo pounchudo. Se recounèis subretout à sis utriculo clinado e larjo (4 à 7 mm) qu'an un long bè (1,2 à 2,2 mm) bifide (dènt de 0,4 à 0,8 mm).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 30 à 80 cm
Fueio : costo paralèlo
Tipe bioulougico : Eloufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 2 à 6 cm
Flourido : Printèms

Sòu : Si
Autour basso e auto : 0 à 2300 m
Aparado : Noun
Abriéu à jun

Liò : Mueio - Bas palun - Ribo d'estang
Estànci : Termoumediterran à Subaupen
Couroulougi : Bourealo
Ref. sc. : Carex vesicaria L., 1753

Esteleto(-de-bos)

Stellaria nemorum

Caryophyllaceae

Noms en français : Stellaire des bois, Stellaire des forêts.

Descripcioun :
L'esteleto-de-bos subsp. nemorum èi di proun raro dins noste relarg. Se destrìo de la subsp. montana que si bratèio en formo de fueio soun de mai en mai pichoto à flour e mesuro que mountas dins la planto. Apoundèn que li grano porton de gibeto en formo de musclau.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai. Tant se pòu que siegue manjadisso e vertuouso coume soun cousin lou mourihoun.